कैलाली । कैलालीका विभिन्न स्थानबाट अवैध रूपमा भारतबाट भन्सार छलि गरी ल्याइएका सामान प्रहरीले बरामद गरेको छ। धनगढी उपमहानगरपालिका–३ ज्ञानु प्लाजा नजिक र भजनी नगरपालिका–७ हिक्मतपुरस्थित जंगलबाट अन्दाजी मूल्य १ लाख १७ हजार ५६० रुपैयाँ बराबरका चिनी, पेयपदार्थ, बिडी, सुर्ती र चुरोट लगायतका सामान बेवारिसे अवस्थामा फेला पारिएको प्रहरीले जनाएको छ। जिल्ला प्रहरी कार्यालय कैलाली मातहतबाट खटिएको गस्ती टोलीले शनिबार ती सामान फेला पारी आवश्यक प्रक्रिया पूरा गरी नियन्त्रणमा लिएको हो।